《葉問》系列中筆者最喜歡的一場戲
—
可能好多人人話動作片成日都係打黎打去，鬥大隻、鬥速度快、鬥大力，無咩好睇，我去睇真正嘅拳賽，睇曹星如打到拳拳到肉咁仲過癮。
—
但葉問呢場困獸鬥嘅情節就正正表現左原來電影中嘅對打係可以咁精彩，因為對打唔係兩個人嘅事，而係三個人嘅事。電影嘅動作設計係包埋熊小姐嘅走位，子丹的招式不是要擊潰泰仔，而係力保愛妻。就算比泰仔一腳伸開，兩手就急忙張開找平衡，以妻子安全為第一前題。打嘅時候都係全情顧及永成，用後腳伺機拉開LIFT閘，把格鬥場所移出升降機外，讓妻子遠離危險。
—
在打鬥中，葉問不曾望妻子一眼，但每一下動作，每個決定都是以妻子的安危為最後依歸，堪稱做到「打中有戲，戲中有打」。最後，在梯間的激戰當中，葉問使出狠勁，在不影響太太心理情況之下打得泰仔落花流水，亦是大丈夫剛柔並濟的豪情快意，成功趕及妻子在升降機內到達底層的時間。
—
為所愛的人經歷百戰，而在妻子面前又是顯得如此的寬容放鬆，就算天塌下來，有我面不改容地撐起，又是中國傳統男性的崇高形象。
—
P.S.如對葉問電影有興趣，本專頁有三集影評的對讀，切勿錯過！
—
由此本專頁剛剛成立，未為人所認識，如果覺得影評或者分享嘅野唔錯嘅話，請幫忙LIKE AND SHARE啦，多謝:D
—
#港唔斷戲 #葉問3 #甄子丹 #張晉 #熊黛林 #詠春 #葉偉信
Ip Man 3 - Elevator Fight Scene
Search